BANCE ASTAAFU KUICHEZEA TIMU YA TAIFA

OUAGADOUGOU, Burkinafaso

Mshambuliaji wa timu ya taifa ya Burkinafaso Aristide Bance ,35, ametangaza rasmi kustaafu kucheza timu ya taifa baada ya miaka 17 toka alipoanza kuichezea 2003.

Bance ambaye amecheza soka katika mataifa mbalimbali ya Asia, Afrika na Ulaya sasa ataendelea kuitumikia timu yake ya Horoya AC ya Guinea pekee.

Bance ameichezea Burkinafaso michezo 73 na kufunga magoli 22, alikuwa sehemu ya kikosi cha Burkinafaso kilichoshiriki michuano ya AFCON 2013, 2015 na 2017.

Mara ya mwisho kuichezea timu ya taifa ilikuwa Novemba 2017 katika ushindi wa 4-0 dhidi ya Cape Verde katika mchezo wa kuwania kufuzu kucheza Kombe la Dunia 2018.