DSJ YAPANIA KUTISHA MICHEZONI

Kikosi cha DSJ(Picha na Maktaba)

Na Arone Mpanduka

NAIBU Waziri wa Michezo wa Chuo cha Uandishi wa Habari Dar es Salaam(DSJ), Walter Masawe anaamini timu ya Chuo hicho itafanya maajabu katika mashindano mbalimbali ya ndani na nje hasa mashindano yanayoshindanisha vyuo mbalimbali.

Walter ameyasema hayo chuoni hapo baada ya kuanza rasmi maandalizi ya kuvisuka vikosi  vipya vya Mpira wa Miguu kwa wavulana pamoja na Mpira wa Pete kwa wasichana kwa ajili ya ushiriki wa mashindano ya Vyuo Vikuu yanayo tarajiwa kuanza hivyi karibuni. 

Amesema awali walikuwa wakishidwa kuwika kwenye mashindano   mengi kutokana na ubora wa vikosi vya wapinzani  kwa kuwa wao walikuwa hawafanyi mazoezi kama inavyotakiwa ndiyo maana walikuwa wakiboronga kwenye mechi walizokuwa wanacheza.

“Hapo awali tulikuwa tunafugwa hovyo hovyo kwasababu tulikuwa tunaenda kushiriki na sio kushindana, lakini kwa sasa tupo vizuri hasa kwa hatua za awali kwani tumeshapata wachezaji wazuri na kadri siku zinavyokwenda tutazidi kuwa vizuri zaidi na kupambana katika michezo mikubwa zaidi,”alisema Walter.

Amesema, kwa sasa wamerudisha mchezo wa mpira wa pete kwa kina dada, ambao ulisahaulika kwa muda kutokana na ukosefu wa vifaa vya mchezo huo na kuwa na mwitikio mdogo kwa wasichana waliotakiwa kujitokeza kushiriki katika mchezo huo

Amesema kuwa Kamati ya michezo imepokea maoni mbalimbali kuhusiana na michezo mingine tofauti na Mpira wa Miguu na Pete na hivyo ameomba wanafunzi kama wangependa  michezo mingine iongezwe, wanakaribishwa kujitokeza na kusema ni mchezo upi uongezwe ili wawe na timu nyingi za mashindano.

“Sasa hivi tutakuwa na timu mbili pekee, timu ya Mpira wa Miguu kwa wavulana na Mpira wa Pete kwa upande wa wasichana, na hapa kwa  wasichana tunatengemea kufanya makubwa zaidi ,sasa hivi muitikio ni mkubwa, isipokuwa  kama kuna mtu anapenda kucheza michezo mingine tofauti na hii, tunamkaribisha kutoa maoni yake kuhusu mchezo anaopenda uongezwe,” alisema Walter.