MCHAKAMCHAKA

  Kikosi cha timu ya soka ya Barcelona ya Hispania BARCELONA, Hispania Barcelona imesema kuna mchezaji mmoja amebainika kuwa na ugonjwa wa Covid 19. Mchezaji huyo ambaye jina lake limefichwa, ni miongoni mwa wachezaji 9 walioripoti katika kambi ya maandalizi ya msimu mpya na tayari amejiweka karantini nyumbani kwake huku akiwa hana dalili yoyote ya kuumwa. Barcelona imesema hajasogeleana na mchezaji yoyote ambaye atasafiri kwenda Ureno kucheza mechi ya robo fainali ya Ligi ya Mabingwa Ulaya. Tayari Valencia ilithibitisha visa viwili vya corona wiki hii huku Atletico Madrid ikiripoti watu wawili kabla ya mechi ya Ligi ya Mabingwa Ulaya. Barcelona itakipiga na Bayern Munich Ijumaa katika mechi ya robo fainali huku Atletico na RB Leipzig wakitangulia kesho.

  Winga wa Simba, Benard Morrison Na Arone Mpanduka,  DAR ES SALAAM KIUNGO wa Yanga,  Bernard Morrison raia wa Ghana leo Agosti 12 ameshinda shauri lake dhidi ya Yanga ambalo lilikuwa ni kuhusu mkanganyiko wa mkataba wake ndani ya klabu hiyo. Morrison alikuwa akisema kuwa mkataba wake ni wa miezi sita na umekwisha muda wake huku Yanga ikieleza kuwa alisaini dili lingine la miaka miwili. Baada ya kesi hiyo kuskilizwa kwa muda wa siku tatu mfululizo tangu, Agosti 10,11 na 12 leo shauri limetolewa rasmi makao makuu ya Shirikisho la Soka Tanzania,(TFF). Mwenyekiti wa Kamati ya Sheria na Hadhi za Wachezaji ya TFF, Elias Mwanjala, amesema mkataba wa Yanga na Morrison, una mapungufu makubwa upande wa Yanga na wamempa faida Morrison. . "Tumekuwa makini katika kufuata haki na kamati yetu ilikuwa makini, kulikuwa na mapungufu makubwa upande wa tarehe ambapo kuna sehemu ilionyesha kuwa amesaini Machi 20 na nyingine ikionyesha tarehe tofauti. "Pia kuna ukurasa wa saini kwenye mkataba...

Na Arone Mpanduka, DAR ES SALAAM Msanii Ali Kiba pamoja na mshambuliaji wa Aston Villa ya Uingereza Mbwana Samatta wametunishiana misuli kuelekea mchezo maalum wa hisani utakaopigwa Jumamosi kwenye uwanja wa Taifa jijini Dar es salaam. Mechi hiyo ambayo imeandaliwa na Taasisi ya SamaKiba, huchezwa kila mwaka kwa lengo kusaidia watu wenye uhitaji hasa wanafunzi ambapo Samatta huunda timu iitwayo Team Samatta huku Ali Kiba akiunda timu iitwayo Team Kiba. Ali Kiba ambaye kikosi chake mwaka jana kilifungwa mabao 6-3, amesema safari hii hatokubali kunyanyaswa huku Samatta akiahidi kuendeleza rekodi ya kichapo kwa wapinzani wao. Samatta tayari ameshatangaza timu ya watu watano ambao ni Mohamed Samatta, Idd Seleman ‘Nado’, Farid Mussa na Juma Kaseja na msemaji wake ni Haji Manara, ambaye ni Ofisa Habari wa Klabu ya Simba. “Nina kikosi changu ambacho ninaamini kitafanya vizuri siku hiyo.Nitaendeleza ubabe wa kumchapa nyingi bwana Kiba.”alisema Samatta. Kwa upande wa Kiba yeye kamtaja...

Wachezaji wakileteana ubabe uwanjani LONDON, England Wakati msimu mpya wa Ligi Kuu England unatarajiwa kuanza Septemba 12, mwaka huu chama cha soka nchini humo kimeandaa kanuni mpya ambayo itaanza kutumika katika msimu ujao. Kanuni hiyo inaeleza kuwa ikiwa mchezaji wa timu moja atamkoholea mchezaji wa timu pinzani ama mwamuzi wa mchezo ni kosa ambalo litamfanya mchezaji aliyefanya kitendo hiko kuzawadiwa kadi nyekundu ama ya njano, hiyo ikiwa ni moja ya tahadhari ya kujikinga na Janga la virusi vya corona, Katika taarifa ambayo ilitolewa na FA, ilieleza kuwa kitendo hicho ni kosa kwa mujibu wa sheria ya 12, ambayo inaeleza kuwa matumizi ya lugha chafu au ishara ya kuashiria matusi kwa mwingine wakati mchezo unaendelea ni kosa kisheria na adhabu yake ni kadi nyekundu ama ya njano. Pia taarifa hiyo ilieleza kuwa ikiwa Mwamuzi ataona kuwa hakukuwa na makusudio ya tukio hilo anapaswa kutoa onyo kali na ikiwa mchezaji huyo atarudia tena amtoe nje kwa kadi nyekundu. Aidha taarifa hiy...